لیہ：ایڈیشنل آئی جی ٹریفک پنجاب مرزا فاران بیگ کے وژن اور ڈسٹرکٹ ٹریفک آفیسر اشرف ماکلی کی نگرانی ایجوکیشن یونٹ کی روڈ سیفٹی آگاہی مہم کا سلسلہ جاری ہے اس ضمن میں انچارج ایجوکیشن یونٹ عرفان فیض نے شاہد آسٹرل پبلک سکول میں طلبا کو لیکچر دیتے ہوئے کہا کہ 18 سال سے کم عمر کے بچوں کا موٹر سائیکل چلانا نہ صرف قانون کی خلاف ورزی ہے بلکہ انکی اپنی زندگیوں کیلئے بھی خطرہ کا باعث ہے جبکہ اس موقع پر انہوں نے بچوں کو سکول آتے ہوئے سڑک کراس کرنے ،زیبرا کراسنگ کا استعمال اور آٹو رکشہ وغیرہ میں محفوظ سفر بارے احتیاطی تدابیر بتلائی۔
