ملتان(لیہ ٹی وی)ملتان ضلع کچہری ڈسٹرکٹ کلرکس بار ایسوسی ایشن ملتان کے سابق صدر و ڈپٹی جنرل سیکریٹری پاکستان پیپلز پارٹی ملتان سٹی حاجی محمد امین ساجد کی جانب سے مادر جمہوریت بیگم نصرت بھٹو کی 13 ویں برسی کے موقع پر دعائیہ تقریب کا اہتمام کیا گیا ہے جس میں شماعیں روشن کی گئیں اور ان کی مضفرت کے لیے دعا کی گئی تقریب کے مہمان خصوصی قانون دان ایڈووکیٹ ممبر پاکستان بار کونسل مرزا عزیز اکبر بیگ تھے تقریب میں پیپلز پارٹی ملتان ڈویژن کے سیکریٹری اطلاعات سلیم راجہ، نائب صدر سلیم شہزاد، کلرکس بار کے صدر ملک الطاف مہوٹہ، میاں طفیل احمد قریشی، عمد حیات قریشی، عامر رضا جعفری، محمد ہاشم، محمد صدیق، ملک ریاض اور دیگر ممبران نے شرکت کی اور تقریب سے خطاب کرتے ہوئے حاجی محمد امین ساجد نے کہا کہ پاکستان پیپلز پارٹی کی پہلی خاتون چیئرپرسن اور ایم آر ڈی تحریک کی بانی بیگم نصرت بھٹو کو ان کی 13ویں برسی کے موقع پر خراج عقیدت پیش کرتے ہیں، بیگم نصرت بھٹو جمہوریت کے لیے سب کچھ قربان کرنے کی علامت ہیں، مسلسل چیلنجز کے باوجود ان کا عزم اور ہمت ان کی غیر معمولی میراث کا ثبوت ہے۔ وہ ایک عہد ساز شخصیت تھیں ان کے اقدار اور جدوجہد ہمارے لیے مشعلِ راہ ہیں۔ آج ہم یہ عہد کرتے ہیں کہ ہم اسی جراَت اور عزم و استقلال کے ساتھ عوام کے حقوق کی جدوجہد جاری رکھیں گے، جس طرح مادرِ جمہوریت نے جدوجہد کی تھی۔ بیگم نصرت بھٹو کی تاریخی قربانیوں اور سیاسی جدوجہد پر انھیں خراج عقیدت پیش کرتا ہوں۔ مادرِ جمہوریت کی پاکستان کے لیے خدمات و قربانیاں بے مثال اور بے نظیر ہیں بیگم نصرت بھٹو نے قائدِ عوام کی شہادت کے دکھ کو عوامی طاقت میں تبدیل کرنے کا عملی مظاہرہ کرتے ہوئے پاکستان میں مسلط اپنے دور کی بدترین آمریت کے خلاف پرامن سیاسی جدوجہد کا آغاز کیا۔ جمہوریت کیلئے بیگم نصرت بھٹو کی لازوال قربانیاں آنے والی نسلوں کیلئے مشعل راہ ہیں۔بیگم نصرت بھٹو ضیاء کی آمریت کو للکارنے والی پہلی آواز تھیں عوامی جدوجہد کی تاریخ بیگم نصرت بھٹو کی ذکر کی بغیر نامکمل ہوگی۔ بیگم نصرت بھٹو نے سیاہ ترین دورمیں جمہوریت کی روشن خواب کی پرورش کی،انھوں نے تاریخ کی بدترین آمریت کاسامنا بہادری سے کیا۔ ان کی قیادت میں پاکستانی خواتین نے بھی بحالی جمہوریت کی تحریک میں شاندار تاریخ رقم کی۔ پاکستانی عوام کے حقوق کی خاطر بیگم نصرت بھٹو کو اپنا پورا خاندان قربان کرنا پڑا، پیپلز پارٹی شہید بھٹو کے نظریئے، شہید بی بی کے ویژن اور بیگم بھٹو کی جدوجہد کو بارآور کرے گی بیگم نصرت بھٹو نے تاریخ کی ایک بدترین آمریت کا سامنا بڑی بہادری سے کیا۔
