وزیر اعلیٰ پنجاب مریم نواز شریف نے عوامی مسائل کے فوری حل کیلئے کھلی کچہریوں کا حکم دیا ہے اس سلسلے میں ضلعی انتظامیہ کی جانب سے کھلی کچہریوں کا سلسلہ مزید تیز کردیا گیا

ملتان(لیہ ٹی وی)ڈپٹی کمشنر وسیم حامد سندھو نے کہا ہے کہ وزیر اعلیٰ پنجاب مریم نواز شریف نے عوامی مسائل کے فوری حل کیلئے کھلی کچہریوں کا حکم دیا ہے اس سلسلے میں ضلعی انتظامیہ کی جانب سے کھلی کچہریوں کا سلسلہ مزید تیز کردیا گیا ہے ۔ان خیالات کا اظہار ڈپٹی کمشنر وسیم حامد سندھو نے قادرپوراں جامع مسجد میں عوامی کھلی کچہری لگاتے ہوئے کیا۔ڈپٹی کمشنر نے کھلی کچہری میں عوامی مسائل کی شنوائی کی جبکہ اسسٹنٹ کمشنر صدر سیف الاسلام خٹک اور ضلعی محکموں کے افسران بھی کھلی کچہری میں شریک ہوئے۔ڈپٹی کمشنر نے 100 سے زائد شہریوں کی درخواستوں پر فوری ایکشن لیتے ہوئے ریلیف فراہم کیا ۔ڈپٹی کمشنر وسیم حامد سندھو نے کہا کہ قادرپوراں میں سیوریج ،تجاوزات اور انفراسٹرکچر کے مسائل کا حل ترجیح ہے۔کھلی کچہریوں کا مقصد عوامی مسائل کی موقع پر شنوائی اور انصاف فراہمی ہے قبل ازیں شہریوں نے ضلعی انتظامیہ کی جانب سے کھلی کچہریوں کے انعقاد پر خراج تحسین پیش کیا گیا۔