ایڈیشنل چیف سیکرٹری ساوتھ پنجاب فواد ہاشم ربانی نے نامور شاعر اور ماہر تعلیم پروفیسر ڈاکٹر اسلم انصاری کی وفات پر گہرے رنج و غم کااظہار کیا

ملتان(لیہ ٹی وی)ایڈیشنل چیف سیکرٹری ساوتھ پنجاب فواد ہاشم ربانی نے نامور شاعر اور ماہر تعلیم پروفیسر ڈاکٹر اسلم انصاری کی وفات پر گہرے رنج و غم کااظہار کیا ہے اور ان کے لواحقین سے تعزیت کی ہے۔انہوں نے کہا ہے کہ پروفیسر ڈاکٹر اسلم انصاری کی وفات سے جنوبی پنجاب کا خطہ ایک نامور ادیب اور محقق سے محروم ہوگیا ہے۔ایڈیشنل چیف سیکرٹری ساوتھ پنجاب نے کہا ہے کہ مرحوم کی شعبہ تعلیم، اردو، فارسی اور سرائیکی ادب کے لئے خدمات کو ہمیشہ یاد رکھا جائے گا اور ان کی تخلیقات صدیوں تک ادب کے طالب علموں کی آبیاری کرتی رہیں گی