شہریوں کو گراں فروشی اور مہنگائی مافیا سے بچانے کیلئے پرائس کنٹرول مجسٹریٹس کو روزانہ کی بنیاد پر کریک ڈاؤن کرنے کے احکامات جاری

ملتان(لیہ ٹی وی ) وزیراعلی پنجاب مریم نواز شریف کی ہدایت پر شہریوں کو گراں فروشی اور مہنگائی مافیا سے بچانے کیلئے پرائس کنٹرول مجسٹریٹس کو روزانہ کی بنیاد پر کریک ڈاؤن کرنے کے احکامات جاری کئے گئے ہیں۔ڈپٹی کمشنر وسیم حامد سندھو نے پرائس کنٹرول مجسٹریٹس کے اجلاس کی صدارت کی۔ایڈیشنل ڈپٹی کمشنر جنرل محمد سیف نے بریفننگ دی اس موقع پر ڈپٹی کمشنر وسیم حامد سندھو نے اجلاس سے خطاب کرتے ہوئے کہا کہ پرائس کنٹرول مجسٹریٹس کو انسپکشن کی تعداد بڑھانے اور سرکاری ریٹ لسٹ پر عملدرآمد کرانے کا ٹاسک دیا ہے مصنوعی مہنگائی اور گرام فروشی کرنے والوں کے خلاف سخت ایکشن لیا جائے گا اس موقع پر اجلاس میں تمام پرائس کنٹرول مجسٹریٹس کی کارکردگی کا تفصیلی جائزہ بھی لیا گیا۔