لیہ( نمائندہ لیہ ٹی وی)وزیراعلی پنجاب مریم نواز شریف کے خصوصی ویژن کھیلتا پنجاب کے تحت کھیلوں کے مقابلے جاری ہیں ۔گورنمنٹ گرلزہائی سکول ٹی ڈی اے کالونی میں دوستانہ ہاکی میچ کا انعقاد ہوا۔ میچ کی تقریب کے مہمان خصوصی چیف ایگزیکٹوآفیسر تعلیم شوکت علی شیروانی تھے۔تقریب میں پرنسپل شاہینہ فرید ملغانی،راشدہ اشرف ودیگرموجودتھے۔ دوستانہ ہاکی میچ ٹی ڈی اے سکول اور شوگرملز سکول کے مابین کھیلاگیاجو کہ شوگرملز سکول کی طالبات نے جیت لیا۔تقریب سے خطاب کرتے ہوئے چیف ایگزیکٹوآفیسر تعلیم شوکت علی شیروانی نے کہاکہ حکومت پنجاب کھیلوں کے فروغ کے عملی اقدامات اُٹھارہی ہے جس میں طالبا ت کو بھی بہترین مواقع مل رہے ہیں انہوں نے کہاکہ علاقہ کی بیٹیوں میں سپورٹس مین کی بہترین صلاحتیں موجودہیں جسے مختلف کھیلوں کے مقابلے کروا کر انہیں مزید نکھارا جارہاہے ۔سی ای او تعلیم شوکت علی شیروانی نے دوستانہ ہاکی میچ کے انعقاد پر پرنسپل شاہینہ فرید ملغانی و سکول انتظامیہ کوشاباش دی
