تحصیل چوبارہ شہر میں ٹریفک حادثہ 1 شخص جاں بحق 6 زخمی ، حادثہ مسافر وین کی بریک فیل ہو جانے کے باعث چوبارہ بس سٹینڈ پر پیش آیا

لیہ(نمائندہ لیہ ٹی وی)تحصیل چوبارہ شہر میں ٹریفک حادثہ 1 شخص جاں بحق 6 زخمی ، حادثہ مسافر وین کی بریک فیل ہو جانے کے باعث چوبارہ بس سٹینڈ پر پیش آیا ، ہائی روف رکشے کے ساتھ ٹکرا کر دوسری مسافر وین کے ساتھ جا ٹکرائی ، حادثے میں راہگیر پتی بخاری کا رہائشی غلام یاسین موقع پر جاں بحق ہوگیا، زخمیوں میں نصرت بی بی ،جوہر علی ،اللہ دتہ، محمد ظفر، خورشید بی بی ،محمد رمضان شامل ہیں، زخمیوں اور میت کو تحصیل ہسپتال منتقل کر دیا گیا ڈرائیور موقع سے فرار ہوگیا، مسافر وین فیصل آباد سے لیہ جارہی تھی کہ بریک فیل ہونے کے باعث حادثہ پیش آگیا