جاپان انٹرنیشنل کوآپریشن ایجنسی کا جدید مشینری کی ٹریننگ دینے کیلئے آنے وا لے ماہرین کا وفد ملتان پہنچ گیا

ملتان ( لیہ ٹی وی) جاپان انٹرنیشنل کوآپریشن ایجنسی کا جدید مشینری کی ٹریننگ دینے کیلئے آنے وا لے ماہرین کا وفد ملتان پہنچ گیا ہے جاپانی وفد نے گزشتہ روز واسا ہیڈ آفس کا دورہ کیا ڈائریکٹر جنرل ایم ڈی اے رانا سلیم احمد اور منیجنگ ڈائریکٹر واسا خالد رضا خان سے ملاقات کی ڈائریکٹر جنرل ایم ڈی اے رانا سلیم احمد نے وفد سے گفتگو کرتے ہوئے کہا کہ تاریخی شہر ملتان کا سب سےبڑا مسئلہ سیوریج کا ہے دوست ملک جاپان کی طرف سے واسا ملتان کو دی جانے والی جدید مشینری کا پراجیکٹ ایک سنگ میل کی حیثیت رکھتا ہے جدید مشینری کے ذریعے اولیاء کرام کے شہریوں کو نکاسی آب کے مسائل کے حل میں بھرپور ریلیف ملے گا منیجنگ ڈائریکٹر واسا خالد رضا خان نے کہا ہے کہ ملتان شہر میں سیوریج اور واٹر سپلائی سسٹم کے بوسیدہ ہونے کے باعث واسا کو چیلنجر کا سامنا ہے اور ان درپیش چیلنجوں سے نمٹنے کے لیے پرانی لائنوں کو تبدیل کرنا اشد ضروری ہے انہوں نے کہا کہ بارہ سو کلومیٹر سے زائد سیوریج نیٹ ورک اور 1 ہزار کلومیٹر سے زائد واٹر سپلائی لائنوں کے بوسیدہ ہونے کی وجہ سے روزانہ شہر کے مختلف علاقوں میں کراؤن فیلیئر اور واٹر سپلائی مکسنگ کے متعدد واقعات رونما ہو رہے ہیں ان واقعات کی روک تھام کے لیے سیوریج اور واٹر سپلائی لائنوں کی تبدیلی کے میگا پراجیکٹس کی فوری ضرورت ہے انہوں نے کہا کہ جاپان انٹرنیشنل کوآپریشن ایجنسی(جائیکا) کی طرف سے واسا ملتان کو جدید مشینری کی فراہمی کے منصوبے میں تعاون کرنے پر دوست ملک کے بیحد مشکور ہیں جدید مشینری کی بدولت پبلک سروسز ڈیلیوری میں مزید بہتری آئے گی اور واسا ملتان کے مسائل کے حل میں جاپانی ایجنسی جائیکا کا کردار بھی ناقابل فراموش ہے ان خیالات کا اظہار انہوں نے جاپان انٹرنیشنل کوآپریشن ایجنسی کے جدید مشینری کی ٹریننگ دینے کیلئے آنے والے ماہرین کی جانب سے دو ہفتوں پر مبنی تربیتی پروگرام کے پیشِ کیے جانے والے شیڈول کے دوران کیا جاپانی وفد میں مسٹر کونو اور مسٹر ڈیرکو موجود تھے جاپانی وفد واسا کے عملے کو جدید تکنیکی اور عملی تربیت فراہم کرے گا اس تربیتی پروگرام کا مقصد واسا کے ملازمین کی صلاحیتوں کو مزید بہتر بنانا اور انہیں جدید طریقوں سے ہم آہنگ کرنا ہے ڈپٹی ڈائریکٹر پلاننگ اینڈ ڈیزائن واسا و فوکل پرسن جائیکا محمد ندیم ودیگر بھی موقع پر موجود تھے اس دوران جائیکا کے وفد کو مون سون بارشوں کے انتظامات سے متعلق تفصیلی بریفنگ بھی دی گئی