ملتان(لیہ ٹی وی) ہائر ایجوکیشن ڈیپارٹمنٹ جنوبی پنجاب کے کمیٹی رووم میں ڈائریکٹرز اور ڈی پی آئی کالجز کے دفاتر میں ای فائلنگ سسٹم بارے جائزہ اجلاس منعقد ہوا جس کی صدارت سپیشل سیکرٹری سرفراز احمد نے کی۔اجلاس میں مختلف مسائل اور حکمت عملیوں پر غور کیا گیا۔اجلاس میں ڈی پی آئی، ڈائریکٹرز اور ان کے فوکل پرسنز نے شرکت کی۔سپیشل سیکریٹری سرفراز احمد نے اس موقع پر گفتگو کرتے ہوئے E-FOAS کے مثبت پہلوں اور اس کے مؤثر استعمال کی ضرورت پر زور دیا۔ انہوں نے بتایا کہ یہ نظام کیسز کو جلد از جلدحل کرنے میں مددگار ثابت ہورہا ہےاور اس کے ذریعے ڈیٹا کی درستگی اور شفافیت کو یقینی بنایا جا رہا ہے۔اجلاس کے دوران، شرکاء نے مختلف چیلنجز اور رکاوٹوں کا بھی ذکر کیا جو بتدریج ختم ہو رہے ہیں۔سپیشل سیکرٹری نےجلد از جلد کیسز کو نمٹانے کی ہدایت جا ری کی تا کہ اساتذہ کو کسی طرح کی پریشانی کا سامنا نہ کرنا پڑے
