لیہ (نمائندہ لیہ ٹی وی )پیٹرولیم مصنوعات کی قیمتوں میں کمی کے بعد گاڑیوں کے کرایوں میں کمی کی حوالے سے اسسٹنٹ کمشنر لیہ/ سیکرٹری آر ٹی اے حارث حمید خان کی زیر صدارت ٹرانسپورٹ مالکان کا اجلاس منعقد کیا گیا ہے۔اجلاس سے خطاب کرتے ہوئے اسسٹنٹ کمشنر لیہ/ سیکرٹری آر ٹی اے حارث حمید خان نے کہاکہ وزیراعلی پنجاب مریم نواز شریف کی ہدایت پر پٹرولیم مصنوعات کی قیمتوں میں کمی کے ثمرات فوری مسافروں کو پہنچایا جا رہے ہیں اس سلسلے میں کرایوں میں کمی کی گئی ہے انہوں نے کہاکہ کرایوں میں کمی پر فوری عملدرآمد یقینی بناتے ہوئے پیٹرولیم مصنوعات کی قیمتوں میں کمی کا فائدہ براہ راست شہریوں کو پہنچایا جائے۔ اجلاس میں موجودہ کرایوں میں پٹرولیم مصنوعات کمی کے بعد کرایوں میں کمی کے حوالے سے لائحہ عمل مرتب کیا گیا
