لیہ(نمائندہ لیہ ٹی وی )ایڈیشنل ڈپٹی کمشنر جنرل شبیر احمدڈوگر کی زیرصدارت نمبردار ایسوسی ایشن کا اجلاس منعقدہوا۔ اجلاس میں اسسٹنٹ کمشنر حارث حمیدخان،اسسٹنٹ کمشنر انعم اکرم،صدر ایسوسی ایشن عبدالمنان ودیگر موجودتھے۔ اے ڈی سی جی شبیر احمدڈوگرنے اجلاس سے خطاب کرتے ہوئے کہاکہ وزیراعلی پنجاب گاوں کی سطح پر نمبردار وں اہمیت وافادیت کو اجاگرکرنے کے لیے کوشاں ہیں کیونکہ نمبردار گاوں کی سطح کے مسائل ودیگر اہم حالات و واقعات سے بخوبی آگاہ ہوتے ہیں ۔انہوں نے کہاکہ حکومت پنجاب کے وژن کے تحت عوامی مسائل کو ترجیحی بنیادوں پر حل کرنا ہے ضلعی انتظامیہ کے لیئے گاﺅ ں کی تعمیروترقی و مسائل سے آگہی کے لیے نمبردارحکومت کا پہلا اہم بنیادی نمائندہ ہے ۔انہوں نے کہاکہ ستھراءپنجاب مہم میں نمبردار ایسوسی ایشن اہم کردار کرے تاکہ شہرکے ساتھ گاوں بھی صاف ستھرئے نظر آئیں۔اس موقع پر نمبردار وں کی خالی اسامیوں پربھرتی،نہری پانی کی ممکنہ چوری کو روکنے ،سرکاری درختوں کی دیکھ بھال،گاوں کی سطح پر چوکیدار نظام کو فعال کرنے ودیگر اہم معاملات زیربحث لائے گئے
