لیہ(نمائندہ لیہ ٹی وی)وزیر اعلی پنجاب مریم نوازشریف کی ہدایت پرضلع لیہ میں ستھرا ءپنجاب مہم جاری ہے۔اسسٹنٹ کمشنرحارث حمیدخان نے ستھرا ءپنجاب مہم کے سلسلہ میںچوک اعظم میں تجاوزات ہٹانے کے عمل کا معائنہ کیا۔اسسٹنٹ کمشنرحارث حمیدخان نے اس موقع پر کہاکہ ستھراءپنجاب کامیابی سے جاری ہے جس کے لیے تجاوزات کو ختم کیاجارہاہے ۔انہوں نے کہاکہ حکومت پنجاب کی ہدایت پر تمام دوکاندار ستھراءپنجاب مہم میں ساتھ دیں اور حکومتی احکامات پر عمل کریں۔اسسٹنٹ کمشنر نے کہاکہ تجاوزات سے ٹریفک جام ،حادثات کے مسائل جنم لے رہے ہیں اور آنے جانے والے شہریوں کو بھی شدیدمشکلات کا سامنا ہے جبکہ چوک اعظم شہرکی خوبصورتی بھی متاثر ہورہی ہے ۔انہوں نے کہاکہ دوکاندار ودیگرریڑھی لگانے والے تجاوزات ختم کریں تاکہ ستھراءپنجاب مہم کے اہداف کو حاصل کیاجاسکے۔دریں اثناء انہوں نے ایم سی چوک اعظم کی سرکاری زمین کی پٹہ ملکیت کی نیلامی بھی کی۔ اس موقع پر ایم سی کے حکام موجود تھے
