ڈپٹی کمشنر لیہ امیرا بیدار کی ہدایت پر ضلع لیہ میں تجاوزات کے خلاف تیسرے روز بھی رات گئے تک گرینڈ آپریشن جاری

لیہ (نمائندہ لیہ ٹی وی)وزیر اعلیٰ پنجاب مریم نواز شریف کے وژن اور ڈپٹی کمشنر لیہ امیرا بیدار کی ہدایت پر ضلع لیہ میں تجاوزات کے خلاف تیسرے روز بھی رات گئے تک گرینڈ آپریشن جاری رہا۔تجاوزات کے خاتمے کا گرینڈ آپریشن چوک اعظم میں کیا جا رہا ہے۔ اسسٹنٹ کمشنر حارث حمید خان، ڈی ایس پی محبوب خان تنگوانی، ڈپٹی ڈائریکٹر ڈویلپمنٹ کامران جاوید نے تجاوزات کے خلاف آپریشن کی نگرانی کی۔ اس سلسلہ میں 60 سے زائد ریڑھیوں کو ضبط، 50 سے زائد افراد کو تجاوزات قائم کرنے پر گرفتار بھی کیا گیا جبکہ 120 تھڑوں اور سائن بورڈز کو گرایا گیا۔ ایڈمنسٹریٹر میونسپل کمیٹی چوک اعظم/اسسٹنٹ کمشنر حارث حمید خان نے اس موقع پر کہا کہ تجاوزات کے خلاف گرینڈ آپریشن جاری رہے گا۔