لیہ (نمائندہ لیہ ٹی وی)وزیر اعلیٰ پنجاب مریم نواز شریف کے وژن کے مطابق شہریوں خصوصاً طلبہ کو سڑک با آسانی اور بحفاظت پار کرنے کے لئے ضلع بھر میں خصوصی اقدامات جاری ہیں۔ ڈپٹی کمشنر امیرا بیدار کی ہدایت پر محکمہ سکول ایجوکیشن اور ہائی ویز کی طرف سے سکولوں اور کالجوں کے سامنے زیبرا کراسنگ بنانے کا کام جاری ہے۔ اس سلسلہ میں گورنمنٹ گرلز ماڈل ہائی سکول، گورنمنٹ ایم سی سکول، گورنمنٹ گرلز ہائی سکول کینال کالونی، گورنمنٹ سکول ٹی ڈی اے کالونی، بہمن والا سکول کے سامنے زیبرا کراسنگ لگا دی گئی ہیں جبکہ دیگر سکولوں اور کالجوں کے سامنے زیبرا کراسنگ لگانے کا عمل جاری ہے۔ ڈپٹی کمشنر نے ہدایت کی ہے کہ زیبرا کراسنگ لگانے کا کام جلد از جلد مکمل کر لیا جائے تاکہ طلبہ کو سڑک کراس کرنے میں آسانی رہے۔ ڈپٹی کمشنر نے شہریوں میں زیبرا کراسنگ بارے شعور اجاگر کرنے کے لئے آگاہی دینے کی بھی ہدایت کی
