صدر مملکت کی سوات میں پولیس وین کے قریب دھماکے کی شدید مذمت

اسلام آباد (لیہ ٹی وی) صدر آصف علی زرداری نے اتوار کو سوات میں پولیس وین کے قریب بم دھماکے کی شدید مذمت کی ہے۔ایوان صدر سے جاری بیان میں انہوں نے واقعے میں شہید ہونے والے پولیس افسر کو خراج عقیدت پیش کیا۔انہوں نے سوگوار خاندان سے تعزیت کا اظہار کرتے ہوئے دھماکے میں زخمی ہونے والوں کی جلد صحت یابی کی دعا بھی کی۔ صدر آصف علی زرداری نے کہا کہ دہشت گرد عناصر نہ صرف ملک و قوم کے بلکہ خود انسانیت کے دشمن ہیں۔انہوں نے دہشت گردی کے مکمل خاتمے کے لیے کوششیں جاری رکھنے کے عزم کا اعادہ کیا۔