لیہ کینال سب ڈویژن کی طرف سے ٹیل تک پانی کی فراہمی کے لئے اقدامات جاری ہیں، نہروں کے اندر سے گھاس اور سلٹ نکالا جا رہا ہے

لیہ( لیہ ٹی وی)لیہ کینال سب ڈویژن کی طرف سے ٹیل تک پانی کی فراہمی کے لئے اقدامات جاری ہیں۔ ایس ڈی او محمد زبیر نے بتایا کہ لیہ کینال سب ڈویژن کی نہروں کی صفائی کی جا رہی ہے اور پشتوں کو مضبوط بنایا جا رہا ہے۔ انہوں نے بتایا کہ ایکسیئن انہار عبد الروف کی ہدایت پر نہروں کے اندر سے گھاس اور سلٹ نکالا جا رہا ہے تاکہ ٹیل کے کاشتکاروں تک وافر پانی بلا رکاوٹ پہنچ سکے۔ ایس ڈی او محمد زبیر نے بتایا کہ محکمہ کے اہلکار اور مشینری راجن شاہ ڈسٹی، بہار مائنر اور جمال مائنر پر کام جاری رکھے ہوئے ہیں۔