وزیراعلیٰ پنجاب یوتھ گیمز 2026، رجسٹریشن کی آخری تاریخ 5 نومبر تک بڑھا دی گئی

لیہ: وزیراعلیٰ پنجاب یوتھ گیمز 2026 میں کھلاڑیوں کی رجسٹریشن کی تاریخ میں توسیع کرتے ہوئے آخری تاریخ 5 نومبر مقرر کردی گئی ہے۔ڈسٹرکٹ سپورٹس آفیسر امتیاز احمد بھٹی نے بتایا کہ یوتھ گیمز کے تحت مختلف کھیلوں کے مقابلے یونین کونسل کی سطح سے شروع ہوکر تحصیل، ضلعی، ڈویژنل اور صوبائی سطح تک منعقد ہوں گے۔ ان مقابلوں میں سرکاری و نجی تعلیمی اداروں کے طلبہ و طالبات، دینی مدارس کے طلبہ اور خصوصی طلبہ بھی حصہ لے سکتے ہیں۔انہوں نے کہا کہ نوجوانوں کو کھیلوں کے بہتر مواقع فراہم کرنے اور نئے ٹیلنٹ کو سامنے لانے کے لیے یوتھ گیمز اہم پلیٹ فارم ہیں۔ انہوں نے نوجوانوں پر زور دیا کہ وہ 5 نومبر تک اپنی رجسٹریشن مکمل کرکے مقابلوں میں بھرپور شرکت کریں۔رجسٹریشن کے لیے [یوتھ گیمز پنجاب کی ویب سائٹ](https://youthgames.punjab.gov.pk/) وزٹ کی جاسکتی ہے، جبکہ طریقہ کار سے متعلق رہنمائی کے لیے [ویڈیو ٹیوٹوریل](https://www.youtube.com/watch?v=C3eijXDmhCU) بھی دستیاب ہے۔