لیہ شہر میں صفائی کے انتظامات بہتر بنانے کے لیے فیلڈ ٹیموں کو ہدایات

لیہ : ایڈیشنل ڈپٹی کمشنر میونسپل سروسز شبیر احمد ڈوگر نے شہر کے مختلف علاقوں کا دورہ کرکے گلی محلوں، سڑکوں اور پارکوں میں صفائی ستھرائی کی صورتحال کا جائزہ لیا۔ اس موقع پر ڈسٹرکٹ منیجر عابد ندیم بھی ان کے ہمراہ تھے۔دورے کے دوران ایڈیشنل ڈپٹی کمشنر نے صفائی پر مامور ٹیموں کی کارکردگی اور عملے کی حاضری چیک کی۔ انہوں نے متعلقہ عملے کو ہدایت کی کہ شہر میں صفائی ستھرائی کے معیار کو مزید بہتر بنایا جائے اور گلی محلوں، سڑکوں اور پارکوں کی باقاعدگی سے صفائی یقینی بنائی جائے۔انہوں نے کہا کہ تمام فیلڈ ٹیمیں اپنی ذمہ داریاں مستعدی سے ادا کریں اور صفائی کے انتظامات کی مؤثر نگرانی جاری رکھی جائے تاکہ شہریوں کو صاف ستھرا ماحول فراہم کیا جاسکے۔