لیہ: وزیراعلیٰ پنجاب مریم نواز شریف کے احکامات پر اوپن ڈور پالیسی کے تحت عوامی مسائل کے حل کا سلسلہ جاری ہے۔ اس سلسلے میں ایڈیشنل ڈپٹی کمشنر ریونیو ڈاکٹر عابدہ فرید نے اپنے دفتر میں شہریوں کے مسائل سنے اور درخواستوں پر متعلقہ افسران کو ضروری ہدایات جاری کیں۔
اس موقع پر ڈاکٹر عابدہ فرید نے کہا کہ شہریوں کے جائز مسائل کا بروقت حل اور انہیں ریلیف کی فراہمی ضلعی انتظامیہ کی ترجیح ہے۔ انہوں نے متعلقہ افسران کو ہدایت کی کہ درخواستوں پر میرٹ کے مطابق فوری کارروائی یقینی بنائی جائے اور عوامی مسائل کے حل میں کسی قسم کی غفلت یا تاخیر نہ برتی جائے۔
