لیہ: ایڈیشنل ڈپٹی کمشنر میونسپل سروسز/منیجنگ ڈائریکٹر ستھرا پنجاب شبیر احمد ڈوگر نے صبح سویرے یونین کونسل 12 لدھانہ میں ستھرا پنجاب صفائی ٹیموں کے حاضری پوائنٹ کا اچانک معائنہ کیا۔ انہوں نے صفائی ورکرز کی حاضری چیک کرنے کے ساتھ ساتھ فیلڈ میں روزانہ کی بنیاد پر جاری صفائی سرگرمیوں کا بھی جائزہ لیا۔
اس موقع پر اے ڈی سی شبیر احمد ڈوگر نے صفائی ورکرز کی حاضری اور فیلڈ کارکردگی کا معائنہ کرتے ہوئے ہدایت کی کہ تمام ورکرز اپنی ڈیوٹی پر بروقت حاضری یقینی بنائیں اور مقررہ شیڈول کے مطابق صفائی کے امور انجام دیں۔ انہوں نے کہا کہ ستھرا پنجاب پروگرام کا بنیادی مقصد شہریوں کو صاف ستھرا اور صحت مند ماحول فراہم کرنا ہے، جس کے لیے صفائی ٹیموں کو فیلڈ میں متحرک اور مؤثر انداز میں کام کرنا ہوگا۔
انہوں نے ہدایت کی کہ گلیوں، محلوں اور دیگر عوامی مقامات پر صفائی کے معیار کو ہر صورت برقرار رکھا جائے اور صفائی آپریشن میں کسی قسم کی غفلت یا سستی برداشت نہیں کی جائے گی۔ انہوں نے کہا کہ صفائی ورکرز کی حاضری اور فیلڈ کارکردگی کی باقاعدگی سے مانیٹرنگ جاری رکھی جائے گی تاکہ ستھرا پنجاب پروگرام کے ثمرات شہریوں تک مؤثر انداز میں پہنچائے جا سکیں۔
