ڈی پی او لیہ کی کوٹ سلطان میں کھلی کچہری، شہریوں کے مسائل کے فوری حل کے احکامات

لیہ:کھلی کچہری اورپولیس خدمت مرکز و تھانہ وزٹ ، ڈی پی او لیہ حسن جاوید بھٹی نے کوٹ سلطان سٹی میں کھلی کچہری کا انعقادکیا ،ڈی پی او لیہ نے شہریوں کے پولیس سے متعلقہ مسائل کے موئثر حل کےلئے منعقدہ کھلی کچہری کے دوران شہریوں کے مسائل سنے ،مرد و خواتین کی طرف سے پیش کردہ درخواستوں پر فوری کاروائی عمل میں لاتے ہوئے متعلقہ پولیس افسران احکامات جاری کیے اور جلد از جلد میرٹ پر معاملات کو حل کرکے فیڈ بیک دینے کی ہدایت کی ، سائلین کی طرف سے انفرادی مسائل پر مبنی درخواستیں پیش کی گئی ،بعد ازاں ڈی پی او لیہ حسن جاوید بھٹی نے تھانہ کوٹ سلطان اور پولیس خدمت مرکز کا وزٹ کیا ،تھانہ حوالات ،فرنٹ ڈیسک ، اسلحہ کوت کا معائنہ کیا ،ریکارڈ کی تکمیل کا جائزہ لیا ،میٹنگ کا انعقاد کیا اور پولیس خدمت مرکز پر تعینات سٹاف سے شہریوں کی فراہم کی جانے والی پولیس سروسز بارے دریافت کیا ،ڈی ایس پی صدر ،ایس ایچ او کوٹ سلطان و دیگر پولیس افسران ان کے ہمراہ تھے ۔