لیہ: ایڈیشنل ڈپٹی کمشنر جنرل شبیر احمد ڈوگر کی زیر صدارت ڈسٹرکٹ مال نیوٹریشن ایڈریسنگ کمیٹی کا اجلاس منعقد ہوا۔ اجلاس میں چیف ایگزیکٹو آفیسر ہیلتھ ڈاکٹر شاہد ریاض، ڈاکٹر مزمل کریم، ایڈیشنل ڈائریکٹر لائیو سٹاک ڈاکٹر طارق گدارہ، اسسٹنٹ ڈائریکٹر پلاننگ اسحاق کھیرانی، اسسٹنٹ ڈائریکٹر سوشل ویلفیئر شہریار، ڈسٹرکٹ ایجوکیشن آفیسر محمد حسین، فوڈ اتھارٹی، فشریز اور دیگر متعلقہ محکموں کے افسران نے شرکت کی، جبکہ ڈاکٹر محمد ناصر نے ویڈیو لنک کے ذریعے اجلاس میں شرکت کی۔ اجلاس میں ضلع میں غذائی قلت کے مسائل، خصوصاً بچوں میں سٹنٹنگ گروتھ، پیدائش کے وقت کم وزن اور ویسٹنگ کے تدارک کے لیے کیے جانے والے اقدامات کا جائزہ لیا گیا۔ اجلاس میں بتایا گیا کہ غذائیت کی قلت کے مسائل پر قابو پانے کے لیے مربوط اور مؤثر اقدامات ضروری ہیں۔ اس موقع پر ایڈیشنل ڈپٹی کمشنر جنرل شبیر احمد ڈوگر نے کہا کہ متعلقہ محکمے غذائیت سے بھرپور خوراک کی فراہمی اور عوام میں غذائی صحت سے متعلق آگہی کے لیے اپنا بھرپور کردار ادا کریں۔ انہوں نے کہا کہ بچوں میں سٹنٹنگ گروتھ ایک سنجیدہ مسئلہ ہے، جس کے بروقت تدارک کے لیے تمام متعلقہ اداروں کو مربوط انداز میں کام کرنا ہوگا۔ انہوں نے ہدایت کی کہ والدین کو متوازن اور غذائیت سے بھرپور خوراک کے استعمال کے حوالے سے آگہی فراہم کی جائے تاکہ بچوں کی بہتر نشوونما یقینی بنائی جا سکے۔
