اسلام آباد: بانی پاکستان تحریک انصاف عمران خان کو شفا انٹرنیشنل اسپتال سے انتہائی سخت سیکیورٹی میں واپس اڈیالا جیل منتقل کر دیا گیا۔ جیل ذرائع کے مطابق اڈیالا جیل پہنچنے کے بعد بانی پی ٹی آئی کو ان کے سیل میں منتقل کر دیا گیا۔اس سے قبل انہیں سپریم کورٹ کے حکم پر طبی معائنے کے لیے شفا انٹرنیشنل اسپتال منتقل کیا گیا تھا، جہاں ماہر ڈاکٹروں کی ٹیم نے ان کا چیک اپ کرنا تھا۔ اسپتال منتقلی کے موقع پر سیکیورٹی کے سخت انتظامات کیے گئے تھے جبکہ پولیس نے اسپتال کے اطراف اور آنے جانے والے راستوں پر بھی خصوصی انتظامات کیے۔
