لیہ: اسسٹنٹ کمشنر رانا زوہیب کریم کی زیر صدارت گرین پراپرٹی سرٹیفکیٹ کے حوالے سے جائزہ اجلاس منعقد ہوا۔جس میں متعلقہ منصوبہ کی ٹیم نے بھی شرکت کی۔ اجلاس میں گرین پراپرٹی سرٹیفکیٹ سے متعلق نظام، پیش رفت اور شہریوں کو جائیداد کی منتقلی کے حوالے سے فراہم کی جانے والی سہولیات سمیت مختلف امور کا جائزہ لیا گیا۔ شرکاء نے گرین پراپرٹی سرٹیفکیٹ کے طریقہ کار کو مزید مؤثر اور آسان بنانے، اراضی ریکارڈ اور زمینی معلومات کے باہمی ربط کو بہتر بنانے اور شہریوں کو بروقت سہولیات کی فراہمی کے حوالے سے مختلف تجاویز پر غور کیا۔ اجلاس میں متعلقہ امور کو مزید بہتر بنانے اور عوامی سہولت کے لیے ضروری اقدامات اٹھانے پر بھی تبادلہ خیال کیا گیا۔
