لیہ:ستھرا پنجاب ٹیموں کی کارکردگی کا جائزہ، صفائی آپریشن بلا تعطل جاری رکھنے کی ہدایت جاری۔ ایڈیشنل ڈپٹی کمشنر جنرل/منیجنگ ڈائریکٹر ستھرا پنجاب ایجنسی لیہ شبیر احمد ڈوگر نے علی الصبح شہر کا دورہ کیا اور ستھرا پنجاب کی ٹیموں کی حاضری سمیت مختلف وارڈز میں صفائی ستھرائی کے عمل کا جائزہ لیا۔ اس موقع پر اے ڈی سی جی شبیر احمد ڈوگر نے متعلقہ افسران اور صفائی ٹیموں کی فیلڈ میں موجودگی چیک کی اور ہدایت کی کہ تمام افسران و اہلکار اپنے مقررہ علاقوں میں موجودگی یقینی بنائیں۔ انہوں نے کہا کہ شہر میں صفائی ستھرائی کا عمل بلا تعطل جاری رکھا جائے اور صفائی کے معیار پر کسی قسم کا سمجھوتہ نہ کیا جائے۔ انہوں نے مکینیکل سویپنگ اور واشنگ کے عمل کو مزید تیز کرنے کی ہدایت کرتے ہوئے کہا کہ شہر کے تمام اہم مقامات اور شاہراہوں کی صفائی پر خصوصی توجہ دی جائے۔ انہوں نے خصوصاً عید میلاد النبی صلی اللہ علیہ وسلم کے جلوس روٹس پر صفائی ستھرائی کے مثالی انتظامات یقینی بنانے اور روٹس کو بروقت صاف رکھنے کی ہدایت کی۔ شبیر احمد ڈوگر نے کہا کہ ستھرا پنجاب ٹیمیں عوام کو صاف ستھرا اور بہترین ماحول فراہم کرنے کے لیے اپنی ذمہ داریاں بھرپور انداز میں ادا کریں۔
