لیہ: یونیورسٹی آف لیہ میں چار فیکلٹی ممبران کو ٹینورڈ پروفیسر (BPS-21) کے عہدوں پر ترقی دے دی گئی۔یونیورسٹی آف لیہ کے سنڈیکیٹ کی منظوری کے بعد چار معزز فیکلٹی ممبران کو ٹینورڈ پروفیسر (BPS-21) کے عہدوں پر ترقی دے دی گئی۔ ترقی پانے والوں میں پروفیسر ڈاکٹر عنبرین شہزاد (باغبانی)، پروفیسر ڈاکٹر ذیشان حسن (پلانٹ بریڈنگ اینڈ جینیٹکس)، پروفیسر ڈاکٹر طاہرہ عباس (باغبانی) اور پروفیسر ڈاکٹر اظہر عباس (اینٹامولوجی) شامل ہیں۔وائس چانسلر یونیورسٹی آف لیہ پروفیسر ڈاکٹر محمد زبیر ابو بکر نے ترقی پانے والے اساتذہ کو ترقی کے احکامات تقسیم کیے۔ اس موقع پر رجسٹرار ڈاکٹر عابد علی بھی موجود تھے۔وائس چانسلر پروفیسر ڈاکٹر محمد زبیر ابو بکر نے ترقی پانے والے اساتذہ کو مبارکباد دیتے ہوئے کہا کہ ٹینورڈ پروفیسر کے عہدے پر ترقی ان اساتذہ کا حق اور ان کی طویل تعلیمی، تحقیقی اور تدریسی خدمات کا اعتراف ہے۔ انہوں نے کہا کہ فیکلٹی ممبران کی ترقی سے یونیورسٹی میں تحقیق، علمی قیادت اور معیاری تعلیم کے فروغ کو مزید تقویت ملے گی۔ انہوں نے ترقی پانے والے اساتذہ پر زور دیا کہ وہ اپنی تحقیقی سرگرمیوں کو مزید وسعت دیتے ہوئے طلبہ کی علمی و پیشہ ورانہ تربیت میں بھی اپنا بھرپور کردار ادا کریں۔وائس چانسلر، رجسٹرار اور یونیورسٹی کے دیگر افسران و فیکلٹی ممبران نے ترقی پانے والے پروفیسرز کو مبارکباد پیش کرتے ہوئے ان کے لیے نیک خواہشات کا اظہار کیا اور امید ظاہر کی کہ وہ مستقبل میں بھی یونیورسٹی کی تعلیمی و تحقیقی ترقی میں اپنا کردار بھرپور انداز میں جاری رکھیں گے۔
