لیہ: وزیراعلیٰ پنجاب مریم نواز شریف کے ویژن "محفوظ پنجاب کے تحت پنجاب سیف سٹیز اتھارٹی، لیہ پولیس اور کرائم کنٹرول ڈیپارٹمنٹ کے درمیان مؤثر رابطہ کاری، جدید ٹیکنالوجی اور مربوط پولیسنگ کے مثبت نتائج سامنے آئے ہیں، جس کے باعث سیف سٹی کے زیر انتظام علاقوں میں جائیداد کے خلاف جرائم میں 91 فیصد نمایاں کمی ریکارڈ کی گئی ہے۔ یہ بات منیجر سیف سٹی لیہ عبدالاحد نے چیمبر آف کامرس لیہ کے وفد کو آگاہی دیتے ہوئے بتائی۔ وفد کو سیف سٹی کے مختلف اقدامات، جدید مانیٹرنگ سسٹم اور جرائم کی روک تھام کے لیے اختیار کی جانے والی حکمت عملی سے آگاہ کیا گیا۔ اس موقع پر وزیراعلیٰ پنجاب کی جانب سے سیف سٹی مراکز کے باضابطہ افتتاح، تحصیل اور یونین کونسل کی سطح تک سیف سٹی سروسز کی توسیع کے بارے میں منیجر سیف سٹی لیہ عبدالاحد نے بتایا کہ جدید ٹیکنالوجی اور اداروں کے درمیان مربوط حکمت عملی کے باعث جرائم کی روک تھام اور نگرانی کے نظام کو مزید مؤثر بنایا گیا ہے جبکہ سیف سٹی کے زیر انتظام علاقوں میں جائیداد کے خلاف جرائم میں 91 فیصد کمی اس نظام کی مؤثریت کا واضح ثبوت ہے۔ وفد کو پنجاب سیف سٹیز اتھارٹی کے اہم اقدامات، جن میں ورچوئل ویمن پولیس اسٹیشن، ورچوئل چائلڈ کیئر سینٹر، ورچوئل بلڈ بینک، اے آئی الرٹس اور چہرے کی شناخت کا جدید نظام شامل ہیں، کے بارے میں بھی آگاہ کیا گیا۔ منیجر سیف سٹی لیہ عبدالاحد نے کہا کہ وزیراعلیٰ پنجاب مریم نواز شریف کے ویژن "محفوظ پنجاب” کے مطابق سیف سٹی لیہ شہریوں کے جان و مال کے تحفظ، امن و امان کے قیام اور عوامی سہولیات کی فراہمی کے لیے اپنی ذمہ داریاں مؤثر انداز میں ادا کر رہا ہے اور جدید ٹیکنالوجی و اداروں کے باہمی تعاون کے ذریعے جرائم کی روک تھام اور شہریوں کو محفوظ ماحول کی فراہمی کا سلسلہ جاری رہے گا۔چیمبر آف کامرس لیہ کے وفد نے شہریوں کے تحفظ، جرائم کی روک تھام، امن و امان کے قیام اور جدید ٹیکنالوجی کے مؤثر استعمال کے لیے سیف سٹی لیہ کی جانب سے کیے جانے والے اقدامات کو سراہا
