لیہ: یونیورسٹی آف لیہ میں 18ویں سکیل میں مستقل بنیادوں پر لیکچررز کی تعیناتی کے احکامات جاری کر دیے گئے ہیں۔ مختلف شعبہ جات میں نوجوان لیکچررز کو مستقل بنیادوں پر گریڈ 18 میں تعینات کیا جا رہا ہے۔
یونیورسٹی انتظامیہ کے جاری کردہ احکامات کے مطابق انفارمیشن ٹیکنالوجی، کمپیوٹر سائنس، ایگریکلچر، انگلش اور دیگر شعبہ جات میں لیکچررز کی تعیناتی عمل میں لائی جا رہی ہے۔
جاری احکامات کے مطابق پروفیسر حفیظ اللہ تھند کے صاحبزادے فیصل حفیظ تھند کو شعبہ انفارمیشن ٹیکنالوجی میں لیکچرر تعینات کر دیا گیا ہے، جبکہ مہر منظور حسین تھند کے صاحبزادے انس علی حسین تھند کو شعبہ کمپیوٹر سائنس میں لیکچرر کی نشست پر کامیاب قرار دیتے ہوئے تعیناتی کے احکامات جاری کیے گئے ہیں۔
دونوں نوجوانوں کی گریڈ 18 میں مستقل بنیادوں پر تعیناتی پر اہل خانہ، عزیز و اقارب، دوست احباب اور مختلف حلقوں کی جانب سے مبارکباد کا سلسلہ جاری ہے۔ مبارکباد دینے والوں نے فیصل حفیظ تھند اور انس علی حسین تھند کے لیے نیک خواہشات کا اظہار کرتے ہوئے ان کی پیشہ ورانہ زندگی میں مزید کامیابیوں کے لیے دعا کی ہے۔
