لیہ:نشیبی علاقوں میں دریائی کٹاؤ کے مسئلے پر ڈپٹی کمشنر آصف علی ڈوگر کی ہدایت پر ایڈیشنل ڈپٹی کمشنر جنرل شبیر احمد ڈوگر اور اسسٹنٹ کمشنر لیہ رانا زوہیب کریم نے سمرا نشیب، بستی کنجال اور بستی گرمانی کا دورہ کیا اور متاثرہ علاقوں میں صورتحال کا تفصیلی جائزہ لیا۔
انتظامی افسران نے دریائی کٹاؤ سے متاثرہ خاندانوں کو درپیش مشکلات کا جائزہ لیتے ہوئے انہیں محفوظ مقامات پر منتقل کرنے کے لیے ٹرانسپورٹیشن کی سہولیات کا بھی معائنہ کیا۔
اس موقع پر ایڈیشنل ڈپٹی کمشنر جنرل شبیر احمد ڈوگر نے علاقہ مکینوں سے ملاقات کرتے ہوئے کہا کہ ضلعی انتظامیہ دریائی کٹاؤ سے متاثرہ خاندانوں کے ساتھ کھڑی ہے اور انہیں ہر ممکن ریلیف فراہم کیا جا رہا ہے۔
انہوں نے بتایا کہ متاثرہ خاندانوں کے لیے **100 خیمے فراہم** کر دیے گئے ہیں، جبکہ ٹرانسپورٹیشن کے لیے دستیاب گاڑیاں اور ورکرز بھی خدمات انجام دے رہے ہیں۔ متاثرین کو آج سے تیار کھانا اور خشک راشن بھی فراہم کیا جائے گا۔
شبیر احمد ڈوگر نے کہا کہ آزمائش کی اس گھڑی میں کسی فرد یا خاندان کو تنہا نہیں چھوڑا جائے گا اور متاثرین کو تمام ممکنہ سہولیات فراہم کی جائیں گی۔
انہوں نے مزید بتایا کہ دریائی پانی اترنے کے بعد متاثرہ علاقوں کے مستقل تحفظ کے لیے **سٹڈ بند کی تعمیر** شروع کی جائے گی تاکہ مستقبل میں دریائی کٹاؤ سے آبادیوں کو محفوظ بنایا جاسکے۔
