لیہ: ایڈیشنل ڈپٹی کمشنر میونسپل سروسز شبیر احمد ڈوگر کی زیر صدارت ڈسٹرکٹ ویجیلنس کمیٹی کا اجلاس منعقد ہوا، جس میں مزدوروں کے حقوق کے تحفظ، بھٹہ مزدوروں کی فلاح و بہبود، چائلڈ لیبر اور جبری مشقت کے تدارک سے متعلق امور کا جائزہ لیا گیا۔
اجلاس میں مزدوروں کو دستیاب سہولیات، سوشل سیکیورٹی سے متعلق امور اور مختلف فلاحی اقدامات کا جائزہ لیتے ہوئے متعلقہ محکموں کی کارکردگی پر بھی غور کیا گیا۔
ایڈیشنل ڈپٹی کمشنر شبیر احمد ڈوگر نے کہا کہ مزدور طبقے کے بنیادی حقوق کا تحفظ اور انہیں ضروری سہولیات کی فراہمی ضلعی انتظامیہ کی ترجیحات میں شامل ہے۔ تمام متعلقہ ادارے اپنے دائرہ کار میں مؤثر اقدامات جاری رکھیں۔
انہوں نے ہدایت کی کہ چائلڈ لیبر اور جبری مشقت کے خلاف قوانین پر سختی سے عملدرآمد یقینی بنایا جائے اور خلاف ورزی کی صورت میں قانون کے مطابق کارروائی عمل میں لائی جائے۔
اجلاس میں مزدوروں کی فلاح و بہبود سے متعلق امور کی مسلسل نگرانی اور متعلقہ اداروں کے درمیان مؤثر رابطہ برقرار رکھنے پر بھی زور دیا گیا۔
