تہران: وفاقی وزیر داخلہ محسن نقوی کی تہران میں ایرانی صدر مسعود پزشکیان سے ملاقات کی تفصیلات سامنے آگئیں۔
ذرائع کے مطابق محسن نقوی نے ایرانی صدر کو وزیراعظم شہباز شریف اور فیلڈ مارشل سید عاصم منیر کا خصوصی پیغام پہنچایا۔ ملاقات کے دوران دوطرفہ تعلقات، علاقائی صورتحال اور سیکیورٹی امور پر بھی تبادلہ خیال کیا گیا۔
ذرائع کا کہنا ہے کہ وزیر داخلہ محسن نقوی نے ایرانی صدر کو پاکستان، سعودی عرب اور ترکیہ کے درمیان حالیہ مکہ مشترکہ دفاعی معاہدے کے بارے میں بھی بریفنگ دی۔
واضح رہے کہ گزشتہ روز تہران میں محسن نقوی اور ایرانی صدر مسعود پزشکیان کے درمیان ملاقات ہوئی تھی۔ ملاقات کے بعد ایرانی صدر نے کہا تھا کہ ایران پاکستان کے ساتھ سیاسی، اقتصادی، تجارتی، ثقافتی اور سیکیورٹی شعبوں میں تعلقات مزید گہرے کرنے کے لیے تیار ہے۔
ڈاکٹر مسعود پزشکیان نے کہا کہ ایران کے ساتھ تعلقات بڑھانے اور انہیں مضبوط بنانے سے متعلق وزیراعظم شہباز شریف اور دیگر پاکستانی حکام کی دلچسپی اور محبت ایران کے لیے انتہائی قابل قدر ہے۔
