لیہ: اسسٹنٹ کمشنر لیہ رانا زوہیب کریم نے اولڈ ٹی ایچ کیو ہسپتال پارک چوک اعظم کا معائنہ کیا اور پارک میں شہریوں کے لیے دستیاب سہولیات، صفائی ستھرائی اور مجموعی انتظامات کا جائزہ لیا۔اس موقع پر اسسٹنٹ کمشنر نے پارک کی موجودہ صورتحال کا تفصیلی معائنہ کیا اور شہریوں کو بہتر تفریحی و عوامی سہولیات کی فراہمی کے حوالے سے متعلقہ افسران سے بریفنگ لی۔ انہوں نے پارک میں صفائی ستھرائی کے انتظامات کو مزید بہتر بنانے اور شہریوں کے لیے صاف ستھرا، محفوظ اور پُرسکون ماحول یقینی بنانے کی ہدایت کی۔رانا زوہیب کریم نے پارک کی بہتری اور دستیاب سہولیات کو مزید مؤثر بنانے کے لیے متعلقہ افسران کو موقع پر ضروری ہدایات بھی جاری کیں۔ انہوں نے کہا کہ عوامی مقامات کی مناسب دیکھ بھال اور شہریوں کو معیاری تفریحی سہولیات کی فراہمی انتظامیہ کی ذمہ داری ہے۔انہوں نے ہدایت کی کہ پارکس اور دیگر عوامی مقامات پر صفائی، خوبصورتی اور بنیادی سہولیات کے معیار کو برقرار رکھنے کے لیے مؤثر اور مستقل اقدامات کیے جائیں تاکہ شہریوں کو صحت مند اور خوشگوار ماحول میسر آسکے۔
