لَیَّہ (نمائندہ لَیَّہ ٹی وی) اڈہ کوٹ ربانی، چوک اعظم روڈ کے قریب تیز رفتار مسافر بس کی رکشے کو ٹکر کے نتیجے میں خاتون اور کمسن بچے سمیت 3 افراد شدید زخمی ہو گئے۔ ریسکیو 1122 کے مطابق ابتدائی اطلاعات کے مطابق حادثہ تیز رفتاری کے باعث پیش آیا۔حادثے کی اطلاع ملتے ہی ریسکیو 1122 کی ایمبولینس فوری طور پر جائے وقوعہ پر پہنچ گئی اور امدادی کارروائیاں شروع کر دیں۔ حادثے میں 26 سالہ محمد اسحاق، 30 سالہ **عائزہ خانم اور 2 سالہ تیمور علی خان شدید زخمی ہوئے۔ریسکیو اہلکاروں نے زخمیوں کو موقع پر ابتدائی طبی امداد فراہم کرنے کے بعد مزید علاج کے لیے تحصیل ہیڈکوارٹر (THQ) ہسپتال چوک اعظم منتقل کر دیا، جہاں انہیں طبی سہولیات فراہم کی جا رہی ہیں۔ریسکیو 1122 لَیَّہ کے میڈیا کوآرڈینیٹروسیم حیات نے شہریوں سے اپیل کی ہے کہ دورانِ ڈرائیونگ رفتار پر قابو رکھیں، محفوظ طریقے سے اوور ٹیک کریں اور ٹریفک قوانین کی مکمل پابندی کریں تاکہ قیمتی انسانی جانوں کو ایسے حادثات سے محفوظ رکھا جا سکے۔
