لَیَّہ:اسسٹنٹ کمشنر چوبارہ ذوالفقار صابر نے گرین بس چارجنگ اسٹیشن کے قیام کے لیے زیر غور نیو اڈا سائٹ کا معائنہ کیا اور منصوبے سے متعلق مختلف انتظامی و تکنیکی امور کا جائزہ لیا۔
اس موقع پر انہوں نے متعلقہ افسران کو ہدایت کی کہ گرین بس چارجنگ اسٹیشن کے قیام کے لیے تمام ضروری اقدامات حکومتی قواعد و ضوابط کے مطابق جلد از جلد مکمل کیے جائیں تاکہ منصوبے پر بروقت عملدرآمد یقینی بنایا جا سکے۔
بعد ازاں اسسٹنٹ کمشنر ذوالفقار صابر نے زیرِ تعمیر اسسٹنٹ کمشنر ہاؤس کا بھی تفصیلی معائنہ کیا۔ انہوں نے تعمیراتی کام کی رفتار، معیار اور پیش رفت کا جائزہ لیتے ہوئے متعلقہ افسران کو ہدایت کی کہ منصوبہ مقررہ مدت میں مکمل کیا جائے۔
انہوں نے زور دیا کہ تعمیراتی کام میں اعلیٰ معیار کا میٹریل استعمال کیا جائے، شفافیت کو ہر مرحلے پر یقینی بنایا جائے اور تمام سرگرمیاں حکومتی قواعد و ضوابط کے مطابق انجام دی جائیں تاکہ عوامی وسائل کا مؤثر اور بہترین استعمال ممکن بنایا جا سکے۔
