لَیَّہ: وزیراعلیٰ پنجاب مریم نواز شریف کے احکامات پر ضلع لَیَّہ میں تجاوزات کے خلاف بلاامتیاز کارروائیاں جاری ہیں۔ اس سلسلے میں ایس ڈی او پیرا ام حبیبہ قریشی نے چوک اعظم کے مختلف بازاروں اور عوامی مقامات کا دورہ کرتے ہوئے انسدادِ تجاوزات آپریشن کی خود نگرانی کی۔
کارروائی کے دوران بازاروں اور گزرگاہوں سے تجاوزات کا خاتمہ کیا گیا، جبکہ خلاف ورزی کرنے والے افراد کو جرمانے عائد کیے گئے اور آئندہ تجاوزات قائم نہ کرنے کی سخت وارننگ دی گئی۔
ایس ڈی او پیرا ام حبیبہ قریشی نے کہا کہ تجاوزات کے باعث شہریوں کی آمدورفت میں مشکلات پیدا ہوتی ہیں اور ٹریفک کی روانی بھی متاثر ہوتی ہے، اس لیے تجاوزات کے خلاف کارروائیاں بلاامتیاز جاری رکھی جائیں گی۔
انہوں نے متعلقہ افراد کو ہدایت کی کہ بازاروں، سڑکوں اور عوامی مقامات پر تجاوزات قائم کرنے سے گریز کریں اور شہریوں کی سہولت کے لیے ضلعی انتظامیہ کے ساتھ تعاون کریں۔
انہوں نے مزید کہا کہ وزیراعلیٰ پنجاب مریم نواز شریف کے وژن کے مطابق عوامی مقامات، بازاروں اور گزرگاہوں کو تجاوزات سے پاک رکھنے کے لیے انسدادِ تجاوزات آپریشن مسلسل جاری رکھا جائے گا۔
