لَیَّہ: رواں سال کا آخری اور مکمل سورج گرہن 12 اور 13 اگست کی درمیانی شب ہوگا، تاہم یہ سورج گرہن پاکستان سے مشاہدہ نہیں کیا جا سکے گا۔
محکمہ موسمیات کے مطابق سورج گرہن کا آغاز پاکستانی وقت کے مطابق 12 اگست کی رات 8 بج کر 34 منٹ پر ہوگا، جبکہ رات 10 بج کر 46 منٹ پر یہ اپنے عروج پر ہوگا۔ سورج گرہن کا اختتام 13 اگست کی رات 12 بج کر 58 منٹ پر ہو جائے گا۔
محکمہ موسمیات کے مطابق گرین لینڈ، آئس لینڈ، اسپین اور روس کے بعض علاقوں میں مکمل سورج گرہن دیکھا جا سکے گا، جبکہ یورپ، افریقہ اور امریکا کے مختلف حصوں میں جزوی سورج گرہن کا مشاہدہ ممکن ہوگا۔
ماہرین کے مطابق یورپ میں تقریباً تین دہائیوں بعد رواں ماہ مکمل سورج گرہن دیکھنے کا موقع ملے گا۔
محکمہ موسمیات نے مزید بتایا کہ 28 اگست کو جزوی چاند گرہن بھی ہوگا، تاہم پاکستان میں اس کا مشاہدہ بھی ممکن نہیں ہوگا۔
