لیہ(نمائندہ لیہ ٹی وی)تعلیمی بورڈ ڈیرہ غازی خان نے میٹرک سالانہ امتحانات 2026ء کے پوزیشن ہولڈرز کا اعلان کر دیا۔ چیئرمین تعلیمی بورڈ پروفیسر ڈاکٹر عبدالرؤف نے سیکرٹری بورڈ عبدالرحمن چوہدری، کنٹرولر امتحانات پروفیسر مظفر حسین اور دیگر افسران کے ہمراہ پوزیشن ہولڈرز کے ناموں کا اعلان کیا اور طلبہ، طالبات اور ان کے والدین کو مبارکباد پیش کی۔اعلان کے مطابق ضلع لَیَّہ نے شاندار کارکردگی کا مظاہرہ کرتے ہوئے مجموعی طور پر تین نمایاں پوزیشنیں اپنے نام کیں۔لَیَّہ کے عبداللہ سلیم نے 1191 نمبر حاصل کرکے پورے بورڈ میں پہلی پوزیشن حاصل کی، جبکہ تونسہ شریف کے میر مجتبیٰ نے 1190 نمبروں کے ساتھ دوسری پوزیشن حاصل کی۔اسی طرح مظفرگڑھ کی فروہ احمد، لَیَّہ کی میراب زہرہ اور لَیَّہ کے سید محمد جون عباس نے 1189 نمبر حاصل کرکے مشترکہ طور پر تیسری پوزیشن حاصل کی۔جبکہ جنرل گروپ میں لیہ کے محمد صہیب نے تیسری پوزیشن حاصل کی ،چیئرمین بورڈ نے کامیاب طلبہ و طالبات اور ان کے والدین کو مبارکباد دیتے ہوئے ان کے روشن مستقبل کے لیے نیک خواہشات کا اظہار کیا۔ میٹرک سالانہ امتحانات کے تفصیلی نتائج کا باقاعدہ اعلان 6 اگست کو کیا جائے گا۔
