لیہ : ڈسٹرکٹ پولیس آفیسر (ڈی پی او) لیہ حسن جاوید بھٹی کی ہدایات پر تھانہ سٹی پولیس نے جرائم پیشہ عناصر کے خلاف بڑی کارروائی کرتے ہوئے ڈکیت گینگ کے سرغنہ سمیت دو ملزمان کو گرفتار کر لیا۔
پولیس کے مطابق گرفتار ملزمان کے قبضے سے7 لاکھ روپے سے زائد مالیت کا مالِ مسروقہ برآمد کر لیا گیا ہے۔ ابتدائی تفتیش کے دوران ملزمان کے چوری اور ڈکیتی کے درجنوں مقدمات میں ملوث ہونے کا انکشاف ہوا ہے۔
ایس ایچ او تھانہ سٹی شاہد رضوان نے کہا کہ لیہ پولیس شہریوں کے جان و مال اور عزت و آبرو کے تحفظ کے لیے ہر ممکن اقدامات کر رہی ہے۔ انہوں نے کہا کہ شہریوں کو قیمتی مال و متاع سے محروم کرنے والے جرائم پیشہ عناصر کسی رعایت کے مستحق نہیں، ان کے خلاف قانون کے مطابق سخت کارروائی جاری رہے گی۔
