لیہ: وزیراعلیٰ پنجاب مریم نواز شریف کے وژن اور حکومت پنجاب کی ہدایات پر عوامی راستوں سے تجاوزات کے خاتمے اور غیر قانونی قبضوں کے خلاف کارروائیاں جاری ہیں۔ اس سلسلے میں ایس ڈی او پیرا محمد طاہر کی نگرانی میں ڈی پی ایس اسکول کے سامنے غیر قانونی طور پر ویگنیں اور رکشے کھڑے کرکے مسافروں کو پک اینڈ ڈراپ کرنے والوں کے خلاف کارروائی کی گئی۔ عوامی راستے میں رکاوٹ پیدا کرنے پر خلاف ورزی کرنے والوں کو جرمانے بھی عائد کیے گئے۔
دوسری جانب پیرا فورس اور محکمہ مال کی مشترکہ کارروائی کے دوران ونجھیرہ تھل کے علاقے میں 59 کنال 10 مرلہ نجی اراضی غیر قانونی قبضے سے واگزار کروا لی گئی۔ایس ڈی او پیرا محمد طاہر نے کہا کہ عوامی راستوں پر غیر قانونی پارکنگ اور شہریوں کی آمدورفت میں رکاوٹ پیدا کرنے کی اجازت نہیں دی جائے گی۔ انہوں نے واضح کیا کہ غیر قانونی قبضوں کے خلاف قانون کے مطابق کارروائیاں جاری رہیں گی اور شہریوں کے حقوق کے تحفظ اور قانون کی عملداری یقینی بنانے کے لیے بلاامتیاز اقدامات کیے جائیں گے۔
