ڈی جی خان ڈویژن انٹر ڈسٹرکٹ بیڈمنٹن چیمپئن شپ: لیہ بوائز ٹیم چیمپئن، گرلز ٹیم رنر اپ قرار

لیہ (نمائندہ لیہ ٹی وی) وزیراعلیٰ پنجاب مریم نواز شریف کے وژن کھیلتا پنجاب، بڑھتا پنجاب کے تحت سپورٹس ڈیپارٹمنٹ لیہ نے ایک اور نمایاں کامیابی اپنے نام کر لی۔ ڈی جی خان ڈویژن میں منعقدہ انٹر ڈسٹرکٹ بیڈمنٹن چیمپئن شپ 2026میں لیہ کی بوائز ٹیم نے شاندار کارکردگی کا مظاہرہ کرتے ہوئے چیمپئن شپ اپنے نام کر لی، جبکہ گرلز ٹیم رنر اپ رہی۔ڈسٹرکٹ سپورٹس آفیسر لیہ امتیاز احمد بھٹی کی قیادت اور ڈسٹرکٹ بیڈمنٹن کوچز حسن علی خان اور سلیم خان کی نگرانی میں اباسین بیڈمنٹن بوائز کلب لیہ کے کھلاڑیوں نے بہترین کھیل پیش کرتے ہوئے ضلع لیہ کو ڈویژن بھر میں نمایاں مقام دلایا۔فاتح ٹیم میں چوہدری داؤد امجد، فہیم، مبین طاہر، سہیل اور حسن نے غیر معمولی کھیل کا مظاہرہ کرتے ہوئے حریف ٹیموں کو شکست دی اور لیہ کا نام روشن کیا۔چیمپئن شپ کے اختتام پر کامیاب کھلاڑیوں میں ٹرافیاں، میڈلز اور انعامات تقسیم کیے گئے، جبکہ ڈویژن بھر سے کھلاڑیوں، کوچز اور سپورٹس حکام کو مبارکباد پیش کرنے کا سلسلہ جاری ہے۔