اوپن ڈور پالیسی کے تحت اے ڈی سی ریونیو ڈاکٹر عابدہ فرید کی شہریوں سے ملاقات، مسائل کے فوری حل کے احکامات

لیہ (نمائندہ لیہ ٹی وی) وزیراعلیٰ پنجاب مریم نواز شریف کی ہدایات پر ضلع لیہ میں اوپن ڈور پالیسی کے تحت شہریوں کے مسائل کے فوری حل کا سلسلہ جاری ہے۔ ایڈیشنل ڈپٹی کمشنر ریونیو ڈاکٹر عابدہ فرید نے ڈی سی آفس میں شہریوں سے ملاقات کی، ان کی درخواستیں اور شکایات سنیں اور متعلقہ محکموں کے افسران کو فوری کارروائی کے احکامات جاری کیے۔ انہوں نے کہا کہ عوام کو بروقت ریلیف فراہم کرنا ضلعی انتظامیہ کی اولین ترجیح ہے اور تمام محکمے عوامی شکایات کو مقررہ مدت میں شفاف انداز میں حل کریں۔