لدھانہ: پٹرول پمپ کی پیمائش میں کمی ثابت، انتظامیہ نے پمپ سیل کر دیا

لیہ(نمائندہ لیہ ٹی وی) وزیراعلیٰ پنجاب مریم نواز شریف کے احکامات پر صارفین کے حقوق کے تحفظ اور پٹرولیم مصنوعات کی درست پیمائش یقینی بنانے کے لیے ضلع بھر میں پٹرول پمپس کی انسپکشن جاری ہے۔ڈپٹی کمشنر لیہ آصف علی ڈوگر کی ہدایت پر ایس ڈی ای او پیرا ام حبیبہ قریشی نے لدھانہ میں پٹرول پمپس کا اچانک معائنہ کیا۔ دورانِ چیکنگ پٹرول ڈسپنسنگ مشینوں کی پیمائش کی گئی جس میں تین مختلف نوزلز پر 15 ملی لیٹر کم پیمائش سامنے آئی۔خلاف ورزی پر پٹرول پمپ انتظامیہ کے خلاف کارروائی کرتے ہوئے پمپ سیل کر دیا گیا جبکہ پیمائش درست کرنے کی ہدایات جاری کی گئیں۔ حکام کا کہنا ہے کہ صارفین کے حقوق کی خلاف ورزی کرنے والوں کے خلاف کارروائیاں جاری رہیں گی۔