لیہ(نمائندہ لیہ ٹی وی) وزیراعلیٰ پنجاب مریم نواز شریف کی اوپن ڈور پالیسی پر عملدرآمد کے تحت اسسٹنٹ کمشنر چوبارہ ذوالفقار صابر نے اپنے دفتر میں شہریوں سے ملاقات کی اور ان کے مسائل سنے۔ملاقات کے دوران شہریوں نے مختلف عوامی نوعیت کی شکایات اور مسائل پیش کیے، جن کے حل کے لیے اسسٹنٹ کمشنر نے متعلقہ افسران کو فوری کارروائی اور بروقت ازالے کی ہدایات جاری کیں۔اسسٹنٹ کمشنر ذوالفقار صابر نے کہا کہ شہریوں کو فوری ریلیف فراہم کرنا اور ان کے جائز مسائل کو ترجیحی بنیادوں پر حل کرنا انتظامیہ کی اولین ذمہ داری ہے۔ انہوں نے کہا کہ اوپن ڈور پالیسی کے ذریعے شہریوں کو براہ راست رسائی فراہم کی جا رہی ہے۔
