گورنمنٹ گرلز ہائی سکول سمرا نشیب، سرکاری عمارت اور اثاثوں کے ضائع ہونے کا خدشہ

لیہ(نمائندہ لیہ ٹی وی)گورنمنٹ گرلز ہائی سکول سمڑا نشیب دریائے سندھ کے کنارے مرکزی گیٹ کے سامنے واقع ہے، دریا کے کٹاؤ کے باعث شدید خطرات سے دوچار ہے۔ اطلاعات کے مطابق متعلقہ حکام کی جانب سے بروقت اقدامات نہ کیے جانے پر سرکاری عمارت اور قیمتی سرکاری اثاثوں کے ضائع ہونے کا خدشہ پیدا ہو گیا ہے۔دریائے سندھ کے کٹاؤ کی وجہ سے سکول زد میں آگیا پانی گیٹ تک پہنچ گیا ذرائع کے مطابق آج سکول کا سامان فوری طور پر دوسری جگہ منتقل کرنے کے احکامات جاری کیے گئے ہیں۔ مقامی افراد کا کہنا ہے کہ اگر بروقت حفاظتی اقدامات کیے جاتے تو ممکنہ نقصان سے بچا جا سکتا تھا۔ انہوں نے مطالبہ کیا ہے کہ معاملے کی شفاف تحقیقات کر کے ذمہ داروں کا تعین کیا جائے اور سرکاری املاک کے تحفظ کے لیے فوری عملی اقدامات کیے جائیں۔