دربار پیر جاگی کے قریب کار اور موٹر سائیکل میں تصادم، 15 سالہ نوجوان زخمی

لیہ) نمائندہ لیہ ٹی وی)دربار پیر جاگی کے قریب کار اور موٹر سائیکل کے درمیان ہونے والے ٹریفک حادثے میں 15 سالہ محمد عمران ولد محمد شریف زخمی ہو گیا۔ اطلاع ملتے ہی ریسکیو 1122 کی ٹیم فوری طور پر موقع پر پہنچ گئی اور زخمی کو ابتدائی طبی امداد فراہم کی۔ریسکیو اہلکاروں نے زخمی نوجوان کو مزید علاج و معالجے کے لیے ٹی ایچ کیو ہسپتال کوٹ سلطان منتقل کر دیا، جہاں اسے طبی سہولیات فراہم کی جا رہی ہیں۔ریسکیو 1122 نے شہریوں سے اپیل کی ہے کہ دورانِ سفر ٹریفک قوانین کی پابندی کریں، تیز رفتاری اور لاپرواہی سے گریز کریں اور موٹر سائیکل چلاتے وقت ہیلمٹ کا لازمی استعمال کریں تاکہ قیمتی جانوں کو حادثات سے محفوظ رکھا جا سکے۔