ارجنٹائن کے عالمی شہرت یافتہ فٹبالر لیونل میسی نے فیفا ورلڈ کپ 2026ء کے دوران ایک نیا عالمی ریکارڈ اپنے نام کر لیا۔ اردن کے خلاف میچ میں گول اسکور کرکے میسی ورلڈ کپ کی تاریخ میں مسلسل 7 میچز میں گول کرنے والے پہلے کھلاڑی بن گئے۔میسی نے میچ کے 80ویں منٹ میں فری کک پر شاندار گول کرکے ارجنٹائن کی برتری 1-3 کردی۔ اس گول کے ساتھ انہوں نے فرانس کے جسٹ فونٹین اور برازیل کے جائرزینہو کا مسلسل 6 میچز میں گول کرنے کا تاریخی ریکارڈ بھی توڑ دیا۔لیونل میسی کا مسلسل گول کرنے کا سلسلہ قطر ورلڈ کپ 2022ء میں آسٹریلیا کے خلاف میچ سے شروع ہوا تھا۔ بعد ازاں انہوں نے نیدرلینڈز، کروشیا اور فرانس کے خلاف بھی گول اسکور کیے اور ارجنٹائن کو عالمی چیمپئن بنانے میں اہم کردار ادا کیا۔فیفا ورلڈ کپ 2026ء میں میسی پہلے الجزائر کے خلاف ہیٹ ٹرک اور آسٹریا کے خلاف دو گول کر چکے تھے، جبکہ اردن کے خلاف گول کے بعد ان کے ورلڈ کپ میں مجموعی گولز کی تعداد 19 ہوگئی ہے۔فٹبال ماہرین نے میسی کی اس کارکردگی کو ورلڈ کپ کی تاریخ کا ایک منفرد اور یادگار کارنامہ قرار دیا ہے۔
