نیویارک (مانیٹرنگ ڈیسک) نیویارک کے الخوئی سینٹر کوئنز میں یومِ عاشور کی مجلسِ عزا کا انعقاد کیا گیا، جس میں نیویارک سٹی کے میئر ظہران ممدانی نے شرکت کی اور شہدائے کربلا کو خراجِ عقیدت پیش کیا۔میئر ظہران ممدانی آدھے گھنٹے سے زائد وقت تک مجلس میں موجود رہے اور عقیدت و احترام کا اظہار کیا۔ اس موقع پر انہوں نے کہا کہ 10 محرم ہمیں حضرت امام حسینؓ کے عزم، استقامت اور حق و انصاف کے لیے جدوجہد کی یاد دلاتا ہے۔انہوں نے کہا کہ انصاف ایک ایسی قدر ہے جس کے لیے ہر دور میں جدوجہد کی ضرورت رہتی ہے اور واقعۂ کربلا انسانیت کے لیے حق اور انصاف کا ایک روشن پیغام ہے۔بعد ازاں میئر ظہران ممدانی نے مجلسِ عزا میں اپنی شرکت کی تصاویر بھی سوشل میڈیا پر شیئر کیں، جنہیں مختلف حلقوں کی جانب سے سراہا گیا۔
