اسپورٹس ڈیسک: فیفا ورلڈ کپ 2026ء میں سوئٹزرلینڈ اور میزبان کینیڈا نے ناک آؤٹ مرحلے کے لیے کوالیفائی کر لیا جبکہ قطر کی ٹیم ایونٹ سے باہر ہو گئی۔
گروپ بی کے آخری میچ میں سوئٹزرلینڈ نے میزبان کینیڈا کو 1-2 سے شکست دے کر سات پوائنٹس کے ساتھ گروپ میں پہلی پوزیشن حاصل کر لی۔ دوسری جانب کینیڈا نے تین میچوں میں ایک کامیابی اور ایک ڈرا کے ساتھ مجموعی طور پر چار پوائنٹس حاصل کیے اور گروپ میں دوسری پوزیشن پر رہتے ہوئے اگلے مرحلے کے لیے کوالیفائی کر لیا۔
ادھر بوسنیا نے قطر کو 1-3 سے شکست دے کر چار پوائنٹس حاصل کر لیے، تاہم کینیڈا اور بوسنیا کے برابر پوائنٹس ہونے کے باوجود بہتر گول اوسط کی بنیاد پر کینیڈا نے ناک آؤٹ مرحلے میں جگہ بنا لی۔
گروپ بی میں سوئٹزرلینڈ سات پوائنٹس کے ساتھ سرفہرست، کینیڈا چار پوائنٹس کے ساتھ دوسرے اور بوسنیا تیسرے نمبر پر رہا، جبکہ قطر کی ٹیم ورلڈ کپ سے باہر ہو گئی۔
