لَیّہ (نمائندہ لَیّہ ٹی وی) وزیراعلیٰ پنجاب مریم نواز شریف کے احکامات کی روشنی میں محرم الحرام کے دوران عزاداروں اور شہریوں کی سہولت کے لیے ضلع بھر میں ٹھنڈی میٹھی سبیلوں کا خصوصی انتظام کیا گیا ہے۔
ضلعی انتظامیہ کی جانب سے مختلف اہم مقامات، جلوس روٹس اور مجالس کے اطراف قائم کی گئی سبیلوں پر عزاداروں اور شہریوں کو ٹھنڈا اور میٹھا مشروب فراہم کیا جا رہا ہے، جس سے بڑی تعداد میں لوگ مستفید ہو رہے ہیں۔
ضلعی انتظامیہ کے مطابق سبیلوں پر صفائی ستھرائی کے خصوصی انتظامات بھی کیے گئے ہیں تاکہ شہریوں کو صاف، محفوظ اور صحت بخش ماحول میں سہولیات میسر آ سکیں۔ اس مقصد کے لیے متعلقہ محکموں کی ٹیمیں مسلسل نگرانی کر رہی ہیں۔
انتظامیہ کا کہنا ہے کہ محرم الحرام کے دوران عزاداروں کو ہر ممکن سہولت فراہم کرنا اولین ترجیح ہے اور وزیراعلیٰ پنجاب کی ہدایات کے مطابق عوامی خدمت کے تمام اقدامات مؤثر انداز میں جاری ہیں۔s
