پشاور (نمائندہ خصوصی) پشاور کے علاقے بڈھ بیر میں لڑکی کے ساتھ مبینہ اجتماعی زیادتی کے واقعے میں ملوث تین ملزمان کو پولیس نے گرفتار کر لیا ہے جبکہ متاثرہ لڑکی کے والد کے ساتھ جرگہ کرنے والے افراد کو بھی حراست میں لے لیا گیا ہے۔پولیس کے مطابق واقعے کا مقدمہ درج کر کے ملزمان کے خلاف قانونی کارروائی شروع کر دی گئی ہے۔ ابتدائی تحقیقات میں انکشاف ہوا ہے کہ واقعے کے بعد ملزمان اور متاثرہ لڑکی کے والد کے درمیان جرگہ منعقد ہوا تھا۔پولیس کا کہنا ہے کہ جرگے میں مرکزی ملزم کی متاثرہ لڑکی سے شادی کرانے اور متاثرہ خاندان کو رقم ادا کرنے کا فیصلہ کیا گیا تھا، جس کے باعث مقدمے کے اندراج میں بھی تاخیر ہوئی۔پولیس حکام کے مطابق مبینہ زیادتی کا واقعہ چند ماہ قبل پیش آیا تھا اور اب مختلف پہلوؤں سے مزید تفتیش جاری ہے تاکہ تمام ذمہ دار عناصر کو قانون کے کٹہرے میں لایا جا سکے۔
